சிவாஜி சிறகுகள்

மக்கா என்னும் மந்திரச்சொல்..!

2010-10-25T02:27:00.000-07:00

"மாப்ள மகா கல்யாணத்துக்கு வந்துரு மக்கா.,
முந்துன நாள் நைட்டே வந்துரு. தங்கதுக்கெல்லாம் ஏற்பாடு பண்ணி இருக்கேன். ஒத்தையா இருந்து அலையதுக்கு முடியல மாப்ள, கொஞ்சபெரதான் கூப்ட்டுருக்கேன் கண்டிப்பா வந்துரு மக்கா..." காற்றலையில் பா.ரா வின் குரல் மாமாவின் குரல்..

நீண்ட இரவுப்பயணம் இமை மூடித்திறக்க முடிந்து கொண்டது.. வாஞ்சி நகர் கடந்து சிவகங்கை., பரபரப்பான சிவகங்கை சீமையில் பிரிந்துசென்ற சாலையோரத்தில் தேனடைக்குள் குழுமி இருந்த தேனீ கூட்டம் வரவேற்றது..
கொடுக்கில் அன்பூட்டப் பெற்ற பின் எனக்கும்
முளைத்து றெக்கை..

ராஜசுந்தர்ராஜன் ஐயா, பொன் .வாசுதேவன் சார், மணிஜி, சரவணன் அண்ணா, கும்க்கி அண்ணா, ஜெர்ரீ ஈசானந்த் அண்ணா, அக்பர் அண்ணா, இவர்களோடு நானும்., நல விசாரிப்புகள், நட்பு உரையாடல் இல்லம் வரும் வரை..

வண்டியிலிருந்து இறங்கியதும் பற்றிக்கொண்டது பா.ராவின் கரம் மாமாவின் கரம்.. என் உள்ளங்கையில் பம்பரம் சுழளுவதாய் கன்னம் குறுகுறுத்தது..!
"வா மாப்ள எப்டி வந்த.? ப்ரயாணம் செளரியமா இருந்தா..? உள்ள போய் இரி மாப்ள.." வந்தவர்களை எல்லாம் விசாரித்துக் கொண்டிருந்த மாமாவின் கால்கள் ஓட்டமும் நடையுமாக இருந்தது..
கடலோரம் கிளிஞ்சல்கள் தேடும் சிறுவராக வரும் ஒவ்வோர் முகத்தையும் தேடிக்கொண்டிருந்தது மாமாவின் கண்கள்.

அன்பு தடவிய வார்த்தைகள் அழகிய வாசிப்பு அனுபவமாக ராஜசுந்தர்ராஜன் ஐயாவுடன் தொடர்ந்து தோழர் மாதவராஜ், காமராஜ் மற்றும் பத்மா அக்கா வருகை..

அன்பால் நிறைந்திருந்தது அரங்கம்.
மக்கா என்னும் மந்திரச்சொல் வசியப்படுத்திய அத்தனை நெஞ்சங்களின் ஆசிகளோடு

"பூ முடித்தாள் இந்த பூங்குழலி
புது சீர் பெறுவாள் வண்ண தேனருவி.,
பார்வையிலே மன்னன் பேர் எழுதி.,
அதை பார்த்திருக்கும் கண்கள் நீர் எழுதி.."
பாடல் ஒலித்து முடிந்தது..

அன்பு, அரட்டை, குழுப்படம், நீராகாரம், விருந்து என நகர்ந்து கொண்டிருந்தது நேரம். ராஜசுந்தர்ராஜன் ஐயா, பொன் .வாசுதேவன் சார் உரையாடல்., பேச்சின் ஆழங்களை அறியாமலேயே பிரமிப்பாகவும் ஆர்வமாகவும் சிரிப்புடனும் கேட்டுக்கொண்டிருந்தேன்.
சிறுகச் சிறுக ஒளியின் நீளம் குறைந்து முழுவதுமாக இல்லாமல் போகும் நேரம் முன் மஹாவிடம் விடைபெற்று அறை சேர்ந்தோம்.

இரவு ஊட்டம், நண்பர்களின் புறப்பாடு., மாமாவின் மைத்துனர் முத்துராமலிங்கத்தின் அன்பில் அத்தனை ப்ரியங்களுக்கும் ப்ரியா விடை..
"பேருந்தேறும்வரை உடனிருந்தார் மாமா..

"மாப்ள., பாத்து போடா., போயி சேந்ததும் கால் பண்ணுடா."
நின்றிருந்த பேருந்து நகர்ந்தது.. நானும்...

ஐ லவ் யூ மாமா... ஐ மிஸ் யூ டூ..

இறகு-71

2010-08-11T07:31:00.000-07:00

குரம்பை அடுத்து குடிபுக்க ஆவி வெங் கூற்றுக்கு இட்ட
வரம்பை அடுத்து மருகும் அப்போது - வளைக்கை அமைத்து
அரம்பை அடுத்து, அரிவையர் சூழ நின்று 'அஞ்சல்' என்பாய்
நரம்பை அடுத்து இசை வடிவாய் நின்ற நாயகி..!!

~ பட்டர்.

வருத்தப்பட்டு பாரஞ்சுமக்கிறவன்..

ஆயிற்று தோழி..,
காலம் ஐந்நூறு கடந்திருக்கும்..

இன்றைய இரவும் இப்படியே
தலையணை துணையோடு...

வாதைகள் பின்னிய கிளைகளிலிருந்து
வீசும் காற்றை சுவாசிப்பதான ப்ரம்மை...

களைப்புற்ற தேகமேவுங்காற்றின்
கனமேறி இருக்கிறது தோழி..

சூரிய வாடை கிழக்கே வீச துவங்கி இருக்கிறது...

அது.,

சூரியனல்ல சூரிய வேடம் தரித்த நிலா..

என் பகல் இரவுக்கு பின்னான இருள்..

இருள் நீடிக்கிறது...!

நிகழ்ந்தேறும் இச் சம்பவங்களுக்கு
சாட்சிகளில்லை கண்மணி..!

மீன்களலையும் இக் கானற்பெருங்கடலை
முன்னிறுத்திக் கூறுகிறேன்..

கேட்க.:

"வெறுமை வன்புணர் தேகத்தில்
முட்சுமந்த மீட்பனின் முகக்கறை..!

வன்ம விலங்கின் உதிரப்பசிக்கு
இரை தீர்த்த பின் - நான்
வெற்று..!

இருள் சூடேற்றும் இச்சூனிய வெளியில்
ப்ரியங்கள் மீதும் சாவின் வாசனை...!

முட்கள் மண்டிக்கிடக்கும்
இப்பெருங் கானகத்தில்.,
தன்னிச்சை கொண்டலையும்
சிங்கத்திற்கு இடமேது..?

பருவப் பாலையில்
உடல் சுமக்கும்
சிலுவைக் குறிகளை
அறுத்தெறியலாம் கண்மணி..!

இவ் வாதாமின் முதுகெலும்பே.,

வெண்ணில வெட்டுந் திறன்
இவ்வூனப்பட்ட பறவைக்கிங்கேது.?

சிறுமை யகற்றி இச்சிவனை,
வான் நீர்க்கு வருந்து பயிரெனை
உய்க்க...."

காவுகொள் நாயகி...

இம்மையில்,

என் பேர் பொறித்த

உன் பெருந்தன காம்புகளிலிருந்து,

வழியு மென் கண்ணீர்..!

மறுமையில்,

நானுனக்கு,

தொப்புள் கொடியாவேன்..!

ஆமென்...!

இறகு-70

2010-06-03T04:46:00.000-07:00

" சிறகுகளை யாசிக்கும் சிறுமி-க்கு "

....பின்னொரு இரவில் செபித்துக்கொண்டிருந்தேன்
தாழிட்ட உள்ளறையில் மந்திரங்கள் முனங்கியவாறு..

செப மணிகளில் சேர்ந்திருக்கிறது
வார்ப்பிரும்பின் உருகுதல் வெப்பம்..

நிழலறியா குருடனென கழிக்கிறேன்
கருவறையின் தனிமையொத்த இரவொன்றை..

பூனையின் பாதங்கள் பொருந்திய நடையோடு
சிறுமியென உள் நுழைந்த உன் நினைவுகள்
என் சிறகுகளை யாசிக்கின்றன.,

விலாவை வளைத்து சுவற்றை உரசி நடந்தவாறு
என் காலை கொஞ்சும் நினைவுகளானது
குறுவாளை பரிசளித்துச் சென்றது..

என் முதுகுப்புறம் முளைக்கும்
சிறகுகளை அறுத்தெறிய
நீ அனுப்பிய குறுவாளின்
கூர்முனை போதவில்லை..

கம்யூனிச(க்) கறைகளோடு யாசிக்கிறேன்
வலியில்லா மரணமொன்றை...

நீ அறிவாய்..
நீயே அறிவாய்.
யாசிக்கும் எனதிந்த சொற்கள்
ஆண்மையற்றவை..

கனத்த காதல் சுமக்கும் இதயம் ஒன்றின்
இதய நரம்புகளை ப்ரியத்திற்காக
பிய்த்துக் கொடுக்கையில்
இறப்பின் ருசி இனியதென்றும்.,

பேரன்பின் விரல்கள்
இமைகளை கத்தரிக்கையில்
வலிக்காது என்பதையும்.,
நீ அறிவித்ததே..

விவரிக்க முடியாத என் காதலில்
சுகமற்ற வேதனைகள்
என்னால் தாங்க முடியாதென வருந்துகிறேன்..

பெருங்கொண்ட என் காதல்
உன்தூய அன்பில் தூசென்றும் அறிகிறேன்.,

உன் மவுனங்களில் பின் வாங்கும் என் சொற்கள்
உன்னை காதலிக்க தகுதியற்றவை,

அவற்றை மீன்களுக்கு தானமிட்டு
கடலொடு கலக்கிறேன்..

அது முன்.,
என் உப்பேறிய உதடுகளை
விரும்ப மாட்டாய் சகி.,

உன் பாதங்களில் ஒரு முத்தம்.!
என் நகத்தால் சிறு காயம்.!

அழிக்கவியலா என் பேரன்பெ..

நீ எனக்கு கண்ணீர்..
நான் உனக்கு வேர்வையின் உப்பு..

ஒம் தி ஷா ந் தி ஷா ந் தி ஷாந்தி........

இறகு-69

2010-05-01T02:22:00.000-07:00

" ப்ரிய சகி "

அருணாம்புயத்தும், என் சித்தாம்புயத்தும் அமர்ந்திருக்கும்
தருணாம்புயமுலைத் தையல் நல்லாள், தகை சேர் நனயணக்
கருணாம்புயமும், வதனாம்புயமும், கராம்புயமும்,
சரணாம்புயமும், அல்லால் கண்டிலேன், ஒரு தஞ்சமுமே...

~பட்டர்

வேறு :

இறுகப்பற்றின இருகைகளின் கொள்ளாமையால்
சிந்தவிட்ட நினைவுகள்
கால்வழியூர்ந்து கழுத்தை நிரைக்கிறது
கண்மணி.........

கடலின் நிழல் வீழுங்காயலில்
ஒரு காலை தூக்கித்தவஞ்செய்யுமொரு
சிறு கொக்காய் காத்திருக்கிறேன்...
நடக்கவொண்ணா மென்பாதங்களை
அறிந்தெடுத்து,
திருவுடலை திரு வோடாக்கி
வேண்டி வருந்துகையில்...

இது கேள்..!
நீ யென் யாசகம்.
பவதி பிச்ஷாந்தேஹி....!

ஏற்ற வற்றங்காணு மென்ணிமை பரப்பை
இழுத்துச்சுருக்கும் இரவினுக்கு
பருவச்சிறகை பரிசளிக்கிறேன்...!
ஆடைகளற்ற சுய தரிசனத்தை
பரிமாற்றி பெருயேப்பம் விடுகையில்
இதை சொல்வேன்..

.................................... சகி
நீ யென் சுயவின்பம்..!

சமாதியில்,
இடம் விட்டு படுத்திருக்கும் காலத்திற்கு
நீ முத்தமிட்ட காற்றை அனுப்பினேன்
முத்தங்களை வாங்கி~பின்
வளி வழி வலியனுப்பியது..
இவ்வாறு சகி.,

என்வானில்
தினமிரவில் நிகழுமோர்
சூரிய தற்கொலை..

இன்னதாவது..

நீ யென் கர்மா
ஊழ்'ன் வழியது வாழ்வு..

கானலின் சலனமாய் காண வாய்க்கிறாய்
எமபதியின் கொம்பிலமரும் காக்கையென
எத்தனிக்குங் காலத்திற்கு
பதில் கூற வேண்டியிருக்கிறது..

பத்திரப்படுத்திய மன்மத கணைகளால்
ஊடறுக்கிறேன்..

பிளந்த மாரினுள் நுழைந்து பார்..
உள்ளுருளும் வொன்றிற்கு.,
உன் பேர்...!

நீ யெனது இன்னுயிர்...!

ப்
ரி
ய
ச கி..!!

இறகு-68

2010-03-23T20:40:00.000-07:00

" அற்றவை "

நிசப்தம் நிரைத்தோடும் தனிமையில்
அறைகளெங்கும் நிரம்பிக்கிடக்கின்றன
நின் பெயர் காதலி..

நினைவுகளூர்ந்த வழித்தடமெங்கும்
இதழொற்றி யெடுக்கிறேன்....

என்னை நானே கட்டியழவும்,
கட்டிப்பிடித்து முத்தங்கொஞ்சவும்
காரணங்கள் போதுமாய் இருக்கிறது..

இசைக்கப்பெறும் யாழின்
மெல்லிய அதிர்வாய்
புன்னகைக்கிறேன்.,
சமயத்தில் வெடித்தழுகிறேன்...

அழுகை பிடித்திருக்கிறது
இப்போதெல்லாம்...
அழப்பிடித்திருக்கிறது

மன்னிக்க :

ப்ரேதத்தசை கிழிக்கும் கழுகின்
கூர்ய அலகில்
நின் நகக்குறி காட்சி..!

அறிக :

மரணமென்னை கொஞ்சுகையில்
என் செபம் நின் பெயரென்று..

ப்
ரி
ய

சகி..

உன் நினைப்பில்
உயிர்தப்புமோர் வித்தைக்கு
என் வாழ்வென்று பேர்..

:: ::

நீ வாழி..

இறகு-67

2010-03-08T20:44:00.000-08:00

நீ யென் திரு, நான் நின் அசு..!!

( எனக்கும் உனக்குமான உரைநடையாடலில் )

வா.. என் காதலி..

பாதங்களை விட்டுப்போன பாதையில்
வழியிடறும் கற்களும் முட்களும் நீக்குவேன்
உனக்காய்..!

விரல் நீட்டி கட்டளையிடு.,
பூமி பார்க்கும் என் பார்வை உன்னது...

மனித நாகரிகம் உட்புகா எல்லையில்
மரமொன்றில் கூடு சமைப்பேன்...

நின் வதனநிழல் வீழுமிடமொன்றில்
சற்று இளைப்பேன்...

நின்னை ராணியென்றழைப்பேன்..
அடிமையென்றெனக்கு பெயர் சூட்டு..

முழங்கால் குருதிதோய
உப்புக்கல்லில் மண்டியிடுவேன்..

யென் இச்சா நாயகி..
நீ கேட்பாயாகில் சொல்வேன்..

"ம்ம்ம்" சொல்லுங்கோள்...

இது காறுஞ்சொல்லிக்கொள்வது..

நீ வெய்யிலேறுவாய்..
நான் சுருள் புழுவென சுருள்வேன்..

நீ அறிந்தில..,

நின் அணையாடை உதிரம் பார்த்து
அழுதேன் அன்பே ஓர் இரவில்...

சாவின் வேவுக்கு நின்னைத்தர
நான் தயாரில்லை..

வா.. என் காதலி..,

நர வாழ்வு நமக்கினி வேண்டா...,

என் செல்லமே., என் பிரியமே.,
என் கண்மணி., என் காதலீ..,

நானுன்னை சபிக்கிறேன்..!!

ஓம் ஐம் க்லீம் க்ரீம்
....................................
........ ...........................ஸ்வாஹா..

நீ என் பொம்மையாவாய்...!

மன்னிப்பாய் காதலீ..

நீ யென் திரு..,

நான் நின் அசு..!!

இறகு-66

2010-03-01T02:41:00.000-08:00

சுயசூன்யம்

(ஒரு தற்கொலை முயற்சி)

ப்ரியங்கள் தீர்ந்த இரவொன்றில்
பிரிந்து சென்றாய்..

இறுதியாக உன்னிதழ் இறைத்த
கூர் சொற்களையே
சாணை தீட்டிக்கொண்டிருக்கிறது
என் மூளைக்கற்கள்..

முளையறைந்து கட்டப்பட்ட
முழ நீளக்கயிற்றில்,
வளையமிடுகிறது.,
மிச்ச காதலின் எச்சங்கள்..

இதோ என் காதருகே வந்தமர்ந்த
உன்சாயற்பறவையொன்று
சொல்கிறது..

செத்துப்போ.. செத்துப்போ..

பதிலுக்கு எம்மனச்சாத்தானோ,

கொலைசெய்.. கொலைசெய்யென்கிறது..

இருவாய்ப்புகள் எனக்கெதிரே..
நாணயத்தின் நிகழ்த்தகவாய்..

கொலை செய், இல்லை கொல்லப்படு..

நின்னை மறக்கத் தராத மனதிற்கு
மௌனத்தையளிக்கிறேன்..
நீ சென்றபின் மௌனம் படிக்கும்
பழக்கம் பெற்றிருக்கிறது..

நிதானித்த மௌனத்தில்
மரணத்திற்கும் சொல்லிவிட்டேன்..

கறை படிந்த உன் என் கரங்களால்
நாம் கொல்லப்படுவது
...........................................

அப்படியொன்றும் நிகழாது..

உன்னிதழ் பதித்த வெளிறியமுத்தங்கள்
யினி யமக்கு வேண்டா...
கடல் கொள்ளட்டும்..

ஊடற்பொழுதில்
உரசிய மாரையறுத்து
வீதியிலெறிவேன்..
நாயின் நாவறியும் என்னுதிரச்சுவை..

இதுவரை நான் பேசாத
கேள்விக்கு விடையளிக்கிறேன்..

இது கேள்..

நீ என் முதல் மரணம்..
கடைசியும் கூட..

பழிக்குப்பழி.. ரத்தத்துக்கு ரத்தம்..

எதிர்வினை உண்டொன்று பெண்ணே..

நீயறிவாய்...!

இறகு-65

2010-02-14T01:22:00.000-08:00

"நீ என் மரணம்"

நிலா விழுங்கும் ராத்திரியில்
கொடுங்கோலன் அறுத்தெறிந்த
மார்த்தசைகள் துடிக்குமோசை
கேட்குதென் காதலி..!

நரகத்தின் நிழல் படிந்த இருளில்
மரணம் என்னை அணைக்கிறது.,
தொழிற்பரத்தையின் மரத்தவுடலாய்
மரணம் என்னை இச்சைக்கு
இசைக்கிறதென் செல்லமே..!

மரணத்தின் உடல் உலை வெப்பத்தில்
உருகுமென் உடற்கொழுப்பில்
செர்ந்தொழுகுகிறது நம் கடைத்துளி காதல்..!

சூர்யப்ரதி புணராத என் சருமத்தில்
மரணத்தின் நாவுகள் எச்சிற் பூசுதென் ப்ரியமே..!

குடல் குமட்டும்
குழைந்த சாதத்தை குருதியிற் பிசைந்து.,
இருவிரலால் என் கன்னமழுத்தி
நெரித்த பற்களில் தின்னக்கொடுக்குதடி
என் கண்மணியே..!

என் தண்டுவடத் திரவத்தில்
உயர் அழுத்த மின்சாரம் பாய்ச்சுமென் மரணம்.,
நீர் பிம்பங்களில் என் போல் சிரிக்குதென் ஏந்திழையே..!

ஒட்டடை சிக்கலில் சிக்குண்ட சிற்றீசலாய்
மாயவலை பின்னுதடி என் நிழல் கூட..,

செதிற்செதிலாய் பிளவுற்றவென் இதழ்களை
பற்களால் கிழித்தெறியும் வலியுள்ளதடி..,

அழுகிறேன்.,

உன் காலைக்கட்டி அழுகிறேன்..,

என்றேனுமோர்நாள் மரணமென்னை குடிக்குமென..

எனக்காய் நீ துயருறாதே...

உன் இருகண்ணிலும்
ஒரு துளி கண்ணீரோடு.,

மரணமென்னும் வரம் தா..!

''மரணம்''

என்னும் வரம் தா...!

இறகு-64

2010-02-02T02:26:00.000-08:00

" தீரா ப்ரிய சொற்கள்.. II "

நீ என் அத்தைபெண்ணாய் இருப்பதில்
அத்தனை சந்தோசம் எனக்கு.. (பகுதி-1)

**

இது எனக்கு பிடித்தமான பொங்கல் என் பிரியத்துடன்....

வாவென கோவிலுக்கு அழைத்தாய்...

உன்னோடு கோவிலுக்கு வரும் மாத்திரம்

நம்புகிறேன் கடவுள் இருப்பதை..!

கொன்றை நாகரையும்,அரசமர பிள்ளையாரையும்

சுற்றி வருகிறாய்... நான் உன்னை..!

நீ அடிப்ரதிட்சை செய்கிறாய்

நான் உன்னை அடிக்கொரு பிரதிட்சை செய்கிறேன்...

தொடாமலே தொடர்ந்து வருகிறேன் உன்னை...

இதழுக்கும் புல்லாங்குழலுக்குமான இடைவெளியில்,

என் சட்டை பின்புறம் பிடித்து “கூ....” என ரயில் வண்டி ஒட்டிய ஞாபகம் என்றேன்...

உன் இதழோரத்தில் புன்னகையும், உன் இமையோரத்தில் வெட்கமும்...

முன்போல நீ இப்போது இருப்பதில்லை.,

முன்பெல்லாம் சிரிப்பாய்

இப்போது புன்னகைக்கிறாய்... என்றேன்....

என் மீசையின் கண்கள் அறியும்

உன் பூப்பெய்திய புன்னகை வெட்கத்தை..!

நாளை ஊருக்கு கிளம்பியாகவேண்டும்.. என்றேன்.

மௌனம் பூட்டிக்கொண்டிருந்தது உன் நாவை.

எழுத்துக்கூட்டி பேசத்துவங்கி பின்

புரியாத ஹச்டிஎம்ல் கோடாய்

மழலையில் முனங்கி முடித்தாய்...

பிடித்தமானவரை அழவைத்து பார்ப்பது உன் பொழுது போக்கா என்ன???

இப்போ என் அத ஞாபகப்படுத்துற..?

எனக்கும் உன்னை அழவைத்து பார்க்க ஆசையா என்ன.? ஆனால் அதானே நிசம்..

காம்புடைத்த கள்ளிச்செடியாய்

சட்டென உதிர்த்தாய் உன் கண்ணீரை..

என் கண்ணிலும் உண்டடி உணர்வுகள் உதிர்க்கும்

உறவுத்திரவம்.!

மரத்தடி நிழலில் அமர்ந்தாய் அருகில்...

உன் தலை என் தோள் சாய்ந்தது..

உன் கம்மலின் மொட்டுகள் காதை அழுத்தி இருக்கும்.,

என் தொடையோடு தலை சேர்த்து தொடர்ந்தாய்...

கண்ணீர் நனைத்து நைந்த வார்த்தைகள் உன் வாயிலிருந்து..

என் தாயின் கதகதப்பை உணர்கிறேன்..

உன் சின்ன கோபத்தில் தாயாகிறேன்...

என் பிறப்பில் இது புதிது...

என் மீசை முடிகள் உதிருதடி.,

என் மாரிலும் பால் சுரக்குதடி.,

பெண்மை உணர்கிறேனடி..

பெண்ணே உன்னாலடி..!

கண்டிப்பா போய் ஆக வேணுமா.?

பணம் என் தேவையாய் இருக்கிறது.

தங்கம் பொதிந்த வைரமணிகள் இல்லையெனினும்,

என் பேர் சொல்லி சுமக்க தாலிச்சரடுக்கேனும்...

இந்நாளில் காதலியான என் மனைவிக்கும்,

நாளை மனைவியாகும் என் காதலிக்கும்,

பணம் என் தேவையாய் இருக்கிறது..

செலவீனம் நடுத்தர வர்கத்தின் பலவீனம்...

ம்ம்ம்.… என்றாய் புரிந்து கொண்டவளாய்...

நீர்க்கூட்டுப் பொத்தல் உதிர்த்த

உன் கண்ணிருந்து குழிந்த என் கையகம்

நிரம்பி வழிகிறது கண்ணாடி நிற திரவம்...

அழுகை, தற்காலிக ஆறுதல்..

அழுகை, உயிரியின் முதல் உணர்ச்சி..

கண்ணீர், துக்கம் கரைக்கும் அமிலம்..

சம்மட்டி அடித்த உளித்தலையாய்

நசுங்கிக்கிடக்கும் உன் முகத்தில் புன்னகை...

என் இதயமென இறுக்கிய உன் கரங்கள் தாமரை..

ஒவ்வொரு இதழாய் திறந்தேன்..

ஒவ்வோர் விரலாய் அழுத்தி

"பருப்பு, பாயாசம், சாம்பார், வடை...

அப்பாவுக்கு கொண்டுபோற வழி எங்கே...

அம்மாவுக்கு கொண்டுபோற வழி..

அப்பறம் எனக்கு... எனக்கு.."

உன் அக்குளில் கூச்சம் செய்த என் விரல்களால்

சிரித்தாய்.. சிலிர்த்தாய்..

கீரைத்தண்டாய் வளைந்தாய்.!

வாழைத்தண்டாய் ஓடிந்தாய்.!

சிரி..

ஒவ்வோர் செல்லிலும் சிரி..

ஒவ்வோர் பற்களாய் புன்னகை செய்...

சிரிப்பு நர வாழ்வின் கொடை..

ஆறறிவின் அற்புதம்..

குலுங்கச்சிரி..

நீ சிரித்த இடங்களில் சிதறிக்கிடக்கின்றன

சில்லறைகள் இன்னும் சிரி..,

என் பயண செலவுக்கு ஆகும் என்றேன்..

ம்ம்க்கும்… போதும் உன் சிரிப்பு.. வா போகலாம் என்று என் கரம் பற்றி அழைத்து சென்றாய்..

ஹெர்பேரிய பூக்களாய் உன் இதழ் பதியமிட்ட

உன் கைக்குட்டையை எடுத்துக்காட்டினேன்..

வில்லாய் வளைத்த உன் புருவங்களில் சோளப்புன்னகை...

இத இன்னும் வச்சிருக்கியா.? என்றாய்...

ம்ம்ம்... என்றேன்..

ம்ம்ம்ம்..

ஊருக்குப்போனா என்ன மறந்து விட மாட்டியே.? என்றாய்..

மரித்தால் மட்டுமே சாத்தியம்

உன்னை மறப்பதென்றால்..!

என் கணிப் பொத்தான்களில் கடவுச்சொல்லாய்
இருக்கும் உன்னை எப்படி மறக்க?

இல்லையடி என் செல்லமே..

நான் உன்னை விடப்போவதும் இல்லை..

விட்டுத்தரப் போவதுமில்லை..

இனி என் சகோதரிக்கும் விட்டுத்தர மாட்டேன்,

உன் கழுத்திலேரும் மீதமிரு முடிச்சுகளை..! என்றேன்...

சுட்ட மண்ணில் பட்ட நீராய் ஓடி ஒளிந்தாய்..

“யாயும் ஞாயும் யாராகியரோ
எந்தையும் நுந்தையும் எம்முறைக் கேளிர்
நீயும் யானும் எவ்வழி அறிதும்
செம்புலப் பெயல் நீர்போல
அன்புடை நெஞ்சந்தாங் கலந்தனவே”

(குறுந்தொகை, குறிஞ்சித்திணை, தலைவன் கூற்று, பா- 40, செம்புலப் பெயல்நீரார்)
விளக்கம் :-
என் தாயும் உன் தாயும் யாரோ? எவரோ?
என் தந்தையும் உன் தந்தையும் எந்த வகையில் உறவினர்?
நீயும் நானும் தான் எந்த வகையில் அறிமுகமாகியிருந்தோம்?
செம்மண்ணில் விழுந்த மழைநீர்போல
நம்நெஞ்சங்கள் அன்பினால் இரண்டறக் கலந்துவிட்டன.

வெட்கத்தில் துவங்கி சோகம் கடந்து

பின்னும் வெட்கத்தில் முடிந்தது,

மாலையும் இரவும் காலையும் உன் போலவே.!

இருட்டறையின் சன்னல் கம்பிவழி

வந்து விழுந்தன சூரியத்துண்டுகள்.

சுடோகு கட்டங்களாய்..!

தாவணி முடிப்பவிழ்த்து நெற்றியில்

திருநீற்றுப்பொட்டு வைத்தாய்..

பத்து முறை சொல்லியாயிற்று,

மீண்டும் ஒரு முறை..

நல்ல சாப்பிடு, நல்லா தூங்கு.,

பத்திரமா போய்ட்டுவா, மறக்காம போன் பண்ணு...

நீ சொன்ன பின் தான் ஐயம் எனக்கு..

இனி உண்ணுவேனா., உறங்குவேனாவென.…

ப்ரியச்சொற்கள் பிசினைப் போல

உலராத நாவினுள் ஒட்டிக்கிடக்கும்..

அடைக்கப்பட்ட கூண்டுக்குள்

சிறகு வெட்டப்பட்ட கிளி நீ..

கதவிடுக்கு வழி எட்டிப்பார்த்த விரல்களால்

டாட்டா என்றாய்...

வரும் போதைவிட இப்போது

அதிகம் கனக்கிறது என் கைப்பை..

உள்ளூற உன் நினைவுகளால்..!

அப்பர் பெர்த்தில் சில லக்கேஜ்களுடன்

தூங்குகிறது என் உடல்.,

அது வெறும் உடல் மாத்திரமே..

(...?? !!)

இறகு-63

2010-01-27T02:56:00.000-08:00

" தீரா ப்ரிய சொற்கள். "

நீ என் அத்தைபெண்ணாய் இருப்பதில்
அத்தனை சந்தோசம் எனக்கு.."

வீடுவரை சென்று வலிய வம்பிழுக்கத்தான்.

"இரயில் பயணங்களின் தடதடப்பு சத்தத்தினூடே
பால்யகால நினைவுகள் திரும்பிபார்க்கும்
சருகுஇலை மிதிக்கும் காலடி ஓசைகள்..அலைசிணுங்கியில் காணாது அழுத அழுகைகள்..
ஜன்னலோர கம்பிகளில் முகமழுத்தி
காளையின் கடவாய்ப்பல்லுணவாய்
அசைபோடுகிறேன்..
ரகசியமான சில ரகசியங்களை..!"

ஆமா பொங்கலுக்கு என்னவாங்கி வருவியாம்?? என்ன வாங்கிவர?..

"உன்னோடு பேசும் மாத்திரம்
என் அலைபேசி
அலைசிணுங்கியாகிவிடுகிறது.."

"தாய்க்கு முதல் முத்தம்.., தந்தைக்கு முதல் மாத சம்பளம்..,
காதலிக்கு என் கனவுகள்.., மனைவிக்கு என் இரவுகள்..,
குழந்தைக்கு என் வருமானம்.., நட்புக்கு என் உயிர்..!" இவையெல்லாம் சேர்த்து என்னை தருவதே உனக்கு உசிதம்.. சிரித்தாய்..

பயணத்தில் அழைப்பு துண்டிக்கப்பட்டு தொடர்பு எல்லைக்கு அப்பால் என்றது..

நாம் கொண்ட தொடர்புக்கு எல்லை இருக்கிறதா என்ன..?

மீண்டும் உன் அழைப்பு...

பாதிபயணம் பேசியே போயிருக்கும்..

" உன்னோடு பேசும்போது..
செல்போனில் ஜார்ஜ் தீரக்கூடும்..
இருந்தாலென்ன..,?
என் செல்களில் ஜார்ஜ் ஏறி இருக்கிறதடி"

காலையில் உன் வீடு கடந்தே என் வீடு செல்லவேண்டும்.. எனக்குப்பிடித்த மாம்பழ கலர் தாவணியில் எதிபார்க்கிறேன் உன்னை..

நினைத்தது போலவே வந்தாய்..

போன மொற வரும் போதும் இதே டிரஸ் தான் போட்டுருந்த? என்ன குளிக்கலியா??.. ஏய்.. உனக்கு இதான் பிடிக்குமுன்னு சொன்னியே.. அதான்..

"கோபம் கழித்த புன்னகை
உன்னிதழில்..
பனிக்கட்டி நீராவதைப்போல..."
பேண்டிலிருந்து கைலிக்கு மாறி உன்வீடு வருகிறேன்..

ஆமா பொங்கலுக்கு என்ன ஸ்பெசல்.?? ம்ம்ம் கரும்புச்சர்க்கரை என்றேன்..

புருவம் உயர்த்தி என்னவென்றாய்..

" உன் இடைகரும்பு இதழ் சக்கரை " என்றேன்.. :)

கைகளால் மறைத்துக்கொண்டாய் உன் வெட்கத்தை

" இத்தனை நாளாய் எங்கு தான் வைத்திருந்தாயோ..??
இத்தனை கிலோ வெட்கத்தை..?"

"உதட்டுமேல் பூத்திருக்கும் பூனைமுடிகளை
கிண்டல் செய்கிறேன் நீ கோபிப்பாயென"

திரவ நட்ச்சத்திரம் தேங்கிய கண்களில் இடைவெளிவிட்டு புன்னகைக்கிறாய்..

"என் காதை திருகு.. என் கன்னம் கிள்ளு..

என் தலையில் குட்டு.. என்னை செல்லமாய் கடி..
அதற்கேனும் கோபிக்கிறேன் உன்னை.."

" உன் பற்களின் இறுக்கம் உன் முகத்தில் தெரிகிறது.."

உன் இறுக்கம் தளர்த்த.. வெண் பொங்கலுக்கும் சக்கரைப் பொங்கலுக்கும் என்ன வித்தியாசம்.? என்றேன்

உன் உதட்டுப்பிதுக்கல் தெரியாது என்று உணர்த்தியது..

" உன் விரல் பட்ட பொங்கல் வெண்பொங்கல்
உன் இதழ் பட்ட பொங்கல் சக்கரைப்பொங்கல்.." என்றேன்.. சிரித்தாய்..

"நெருக்கித்தொடுத்த உன் சிரிப்பை
கடன் பெற்று செல்கின்றன
மன்மதன் அனுப்பிய தேவதைகள்.. "

சிறப்பு நிகழ்ச்சி மாற்றிகொண்டுந்த என் கரங்களில் ரிமோட்டை பிடுங்கி கரும்பை தின்னக்கொடுத்தாய்..

தெரியுமா?

" உன் நாவுறிஞ்சும் சாறுக்கு சொர்க்கம்
உன் இதழ் துப்பும் சக்கைக்கு நரகம் " என்றேன்....

அச்சச்சோ.. அப்போ சக்கை எல்லாம் நரகத்துக்கு போகுமா??

உன் குவித்த உதடுகளில் கருணை கண்கள்..

இல்லையடி என் செல்லமே..

" உன் பற்களில் சிக்குண்ட சக்கையும்
சொர்க்கம் சேரும்.."

ம்ம்ம்.. அப்படியா என்கிறாய்..

" எச்சிலோடு சேர்த்து ப்ரியச்சொற்களையும் தின்னத்தரும்
எட்டுவயது சிறுமியாக தெரிகிறாய் இன்னும் எனக்கு.."

(இனி )

இறகு-62

2010-01-21T20:29:00.000-08:00

" அப்போது அழு "

"சோற்றுக் கற்றாழை பிசுக்காய்
இன்னும் உறையாத உதிரத்தில்
ஹீமோகுளோபின்களின் கடைசிவாக்கு மூலம்"..

அக்குள் மழித்த கீறலாய்
உறுத்தும் உன் நினைவுகளை
நுரையீரல் பஞ்சுகள் உறிஞ்சும்
நிக்கோட்டின் சாம்பலுக்கு தின்னக்கொடுக்கிறேன்..

புகை என்னை புகைக்கும் வரை

நான் புகைத்தாலென்ன?..

பனி மிதக்கும் கரியமில நுரைகளால்
சில நாளில் வெடித்துவிடும் என் செல்கள்..

காதலியாள் தீண்டாத கரங்களை

பெருநோய் தான் புக்கட்டும்!..

சுருங்கும் இமைச்சுருக்கும் பசி..

பாவை பாராத பாவை

இனி இருந்தென்ன வீழ்தென்ன?..

கிரகண நிழல் நிறைத்ததாய் என் பகல்..

இனி இரவுகள் தான் எனக்கெதற்கு?..

காலச்சக்கரப் பற்களுக்கு
காவு கொடுக்கிறேன் என்னை..

கல் நாரில் பூ தொடுத்து
என் கல்லறைக்கு வா.!!

வா...

அப்போது அழு..!

இறகு-61

2010-01-09T05:05:00.000-08:00

தன்னினமுண்ணி..

வரட்டிகள் இல்லாதவிடத்து
போதிமரக்கட்டைகளில் எரிக்கப்படுகின்றன.,
திராவிட சடலங்கள்..
பாப்பிலோன் குழாய்களில்
தேங்கிய உயிரினூடே புதைக்கப்படுகிறாள்.,
முறத்தால் புலிவிரட்டும் வழிவந்தவள்..
நாசித்துளை நகரும் எறும்புகள்
தடுக்கவியலா அறுந்தகரங்கள்..
சீப்பு மயிர்கற்றைகளில் செத்துக்கிடக்கின்றன.,
சில மண்டைச்செதில்கள்..
இடக்கர் அடக்கிய அணையாடை
உதிரம் புசிக்கும் வால்மிருகம்..
மரணித்த தனக்காம்புகளை கடிக்கின்றன.,
பசியாறா பால்பற்கள்..
பாஸ்பரஸ் எரித்த பங்கருக்குள்
சிதை படிவுகள்..
இரையின்றி இரையான ம(மா)க்கள்..
மின்வேலித்தொட்டிலுக்குள்
சில தொப்புள்கள்..
நீர்கூட்டுப் பொத்தல் உதிர்க்கும்
புலம்பெயர் பறவைகள்..
அருகுப் புற்களாய் நீளும்
அரவுப் பற்களில் பனி விஷம்..
ஆதாம் ஃப்ரிட்ஜ் தரிசிக்கும்
அனுமனின் ஆன்மீககரம்..
சுவர் கன்னத்தில் இதழ் பதிக்கும்
தமிழகத்தலைகள்..
ஆக்சிஜன் தீரும் வரை எரியும்
தீபச்சுடர் நாவுகள்...!!

இறகு-60

2009-12-24T19:58:00.000-08:00

"ஆழி சூழ் உலகு"

ஆழி அடைகாத்த அக்கினிக்குஞ்சு

கதிர் கரத்தால் கடலின்கருவாய்

கிழித்த வானில் ரத்தத்தீற்றல்கள்..

ஏழாவது பிளாட்டில் சுப்ரபாதம்

எமன் வருகை தள்ளிப்போட..,

குளிர்பூட்டிய அறை தூக்கம்,

ஃப்ரீயான் புகைத்த ஓசோனுக்கு

மார்பக புற்று..

சூர்ய நகவிடை அழுக்காய் கார்பன்

சொறிந்து சிவந்தான்..

கானல் தேடி பயணிக்கின்றன

பாலை கண்கள்..

பாலி எத்திலீன் பதியமிட்ட

பகுத்தறிவாளன் தன்னினமுண்ணி..

நீர் உறைந்த நிலத்தில்

நிழல் தேடியலைகின்றன கரடிகள்..

ஆண்ட்ரோஜென் நீர்த்த தாவரம்.,

இலைகளற்று வீசும் சாமரம்..

சித்திரை வெம்மை தாங்க

ஐப்பசி மழை உறிஞ்சுகின்றன

மணலுதடுகள்..

மலைக்கன்னி முலைகளூடே

முகம் புதைத்த ஆதவன்..

புதையல் காத்த பூதமென

ஆழி சூழ் உலகு..!!

இறகு-59

2009-12-16T03:19:00.000-08:00

" வன வாசம் "

பறவை தின்று செரித்ததாயுணர்த்துகின்றன.,
பெருமிருக எச்சங்கள்.,
கொற்றவை அயிரை தேடிய
குளத்தில் நெளிகின்றன
பாம்பென விலாங்குகள்.,
சில்லிட்டு சிதறியுடைகின்றன
வளி பிரசவித்த குமிழிக்குழந்தைகள்.,
அடர்நிசியில் மிளிர்கின்றன வேதாள
வெளவ்வாலின் ரேடியக்கண்கள்.,
மோகம் கொண்ட மேகங்களின்
காமநீர் கழிந்த கல்லில்
படிந்து கிடக்கின்றன காலப்பாசி.,
பிளவினிடை பாறைகளில்

முயங்கிக்கிடக்கின்றன ரெட்டை தேரைகள்.,
சங்குகழுத்தில் நேர்ந்துவிட்ட "ஆ" வொன்று
வாலொதுக்கி காட்டுகிறது
திமில் காளையின் புணர் நாவிற்கு.,
காலடியில் கடலிருந்ததாயுணர்த்துகின்றன
திமிங்கல படிமங்கள்.,
தலைச்சன் தலையினை சிதையோடு தின்றபடி
செங்காட்டு சுடலையொன்று அலைகிறது.,
என்னைப் போலொரு பரதேசி
வினா தேடி திரிந்ததை விளக்குகின்றன
காலிமதுக்குறிப்புகள்.,
சீதை யொடு வரும் ராமனுக்கு
சாபமிட்டு மீள்கிறேன்
வனாந்திரமிருந்து...!!

இறகு-58

2009-12-12T01:16:00.000-08:00

" பின்னைய ராவுகள் ''

கொல்லப்பட்ட பழங்களின்

ரத்தம் கரையாத கத்திகளில்

சிற்றீக்கள் மொய்த்தபடி...

வட்டச்சுருளாய் கொசுவர்த்தி

புகை காற்று கரைத்தபடி...

ஐந்தில் திருகிய மின்விசிறி

நகக்கண் விறைத்தபடி...

குளிர்பூட்டிய அறைபுழுக்கம்

வியர்வைநீராய் வழிந்தபடி...

கலவிக்களிப்பில் புத்தபொம்மை

எம்மை பார்த்துச்சிரித்தபடி...

பெட்டை தேடிய சுவற்றுக்கப்பால்

தவளை கணைப்பு செவி துளைத்தபடி...

புணர்வேகத்தின் படபடப்பு

மார்பழுத்திய கைக்குள் கேட்டபடி...

முன்னைய ராவின் கனாக்கள்

பின்னைய ராவில் களித்தபடி...

ஆயுசு முடிந்த செல்கள்

சிதிலமாய் சிதறும்படி...

மிருகமென முயங்கித்தீர்த்தபின்,

புகை கேட்கின்றன...

பொல்லாதநாவுகள்..!!

இறகு-57

2009-12-09T21:44:00.000-08:00

"இரவுகள் தீர்ந்த பருவம்"

பன்னிரண்டு தாயம் ஆறு நாலுக்கு,

நகரப்பெறாத தாயக்கட்டங்கள்..

நாளை பிரசவிக்கும் வலியில் துடிக்கும்

காலண்டர் காகிதங்கள் ..

வட்ட வளையங்களாய்

மேசை தேநீர் தடங்கள்..

காக்கை எச்சமிட்ட

டூவீலர் பின்னிருக்கை..

மடிப்புக்கலையாத படுக்கையில்

ஒற்றை தலையணை..

தூக்கம் தொலைத்து

பழுத்த கண்களில்

ரத்தச்சிகப்பு..

உன் நாவுலர்த்தாத உதடுகளில்

பனிவெடிப்பு..

இமையற்ற மீனாய் நான்..

உறங்காத என்னிதயத்தின்

பெரிகார்டியச்சவ்வு போர்த்தித்தூங்கும் நீ..

சொல்..

நீ இல்லாத ராத்திரி

எனக் கெதற்கடி...?

இறகு-56

2009-11-18T20:30:00.000-08:00

காயம் பட்ட காரணத்தால்..!

பஞ்சு வரை புகைத்து நெஞ்சை எரித்த..,

சிகரெட் கொப்பளங்கள்..!

உன் பேரெழுதி வெட்டப்பட்ட நரம்புகளால்..,

பிளேடுகளில் ரத்தத்துளி..!

உன் கைபட்டு கிழித்த என் கவிதை..,

ஹலால் செய்யப்பட்ட ஆட்டுத்தலை..!

தண்டவாள பிணங்களின் ரத்தம்.,

காக்கை வாயில் எச்சம்..!

என் கண் உகுத்த கண்ணீர்.,

உன் பாவாடை சேறு..!

சாக்கடை அரித்த சல்லடை தேக்கமாய்

காலம் கரைத்து எஞ்சிய காதல்

அடக்கிவைத்த ஆசைகளெல்லாம்..

கண்ணீராய் கொப்பளிக்க.,

காதல் பட்ட காரணத்தால்

வலிக்காத ரணமெல்லாம்....

வலிக்குதடி...

காயம் பட்ட காரணத்தால்..!

இறகு-55

2009-11-03T22:55:00.000-08:00

*உன்னையும், என்னையும்,

ஒரே குடையின் கீழ் ஆட்சி செய்கிறது..

மழை.!!

*உன் தேகச்சூட்டில் ஆவியாய் போயின

மழை நனைத்த ஈரம்..

*"ச்சோ" வென பெருமழை

குடைவிரித்தாய் நீ...

குடைமீது கோபம் போல

நின்றுபோனது மழை

*மழைநீரில் காகிதகப்பல்

என்காதல் உரைத்தபடி

உன் வீட்டு முற்றத்தில்..

*மழைபட்டு கரைந்து போனது..

உன் கண்ணிமை மையும்,

நெற்றிப் பொட்டும்

கொஞ்சம் என் மனசும்...

*இடி இடித்தால் இறுக கட்டிக்கொள்கிறாள்..

இன்னும் ஓர் இடியனுப்பேன்..,

அர்ஜுனா..! அர்ஜுனா..!

*கன்னக்குழி நிறைத்து.,

நெஞ்சுக்குழி வழிந்து.,

மோட்சம் பெற்றது...

மழை.!!

*நிலவில் மழை உண்டாம்..

சமீபத்திய ஆராய்ச்சி.,

நிலவே மழையில் நனைந்தது..

அதற்கு நான் சாட்சி.!!

*பேரிடி விழவாய்ப்புண்டாம்...

மின்கம்பி அறுந்து கிடக்கலாம்..

சகதியில் கால் இடரக்கூடும்...

ஆதலால்.,

என்னை இறுக கட்டிக்கொள்ளேன்.

*மழையில் குதுகலித்து

குழந்தையாய் நீ..

உன் இச்சை தனிக்கும் பொம்மையாய்

மழை.!!

*மாலை, மழை, நீ..

வள்ளுவனுக்கு வாய்க்கவில்லை....

உன் காலத்துக்கு கவிஎழுத.!!

*மழைக்கு ஒதுங்கி நிழற்குடையில்

நீ..

சாரலாய் உன் பாதம் நனைத்து

பிறவிப்பயன் அடைந்தது

மழை.!!

இறகு-54

2009-10-28T21:17:00.000-07:00

காதல் பட்ட காரணத்தால்....

பஞ்சு மெத்தையில் நெஞ்சைக் குதறி

ரத்தம் ருசித்த

தாலிச்சரடும்.,

பிரண்ட தலையணையில்
உருண்டுப்படுத்து, என் தோளுடைத்த

கைவளையும்.,

வேர்வை ஊர்ந்து

"விர்" ரெனப் பிடித்த

விரல் நகக் கீறலும்.,

உன்னைச் சுவைக்க

உதட்டைச் சுவைத்து

உரசிக்கொண்ட மேல்வாய்ப் பல்லும்.,

முத்தம் மாற்றி, ரத்தம் மாற்றிய

இதழோரத்தில்

மென்வாய்ப்புன்னும்.,

வலிக்கவில்லையடீ....

காதல் பட்ட காரணத்தால்....

இறகு-53

2009-10-26T21:43:00.000-07:00

"என்னைப் போல் ஒருவன்"

என் நிழல் போலே ஓர் நிழல்.,

நானே உழுது , நானே விதைத்து .,

நானே அறுத்து , நானே சமைத்து.,

திண்று செரித்தது போல் ஓர் நினைப்பு.,

என் உதிரத்தை மையாக்கி

என் மனக்காகிதத்தில் எழுதி

எங்கோ தொலைத்த என் வரிகள்.,

என் மனம்,என் ஆன்மா எனக்குள்ளே

பேசிப்பேசி பழகிய வார்த்தைகள்.,

கனவிலே வகுத்து தொகுத்து.,

சந்திப்பிரித்து பிழை நீக்கி.,

கலையில் கானது போன கற்பனைகள்.,

என் வாழ்க்கை கற்பித்த வாக்கியங்கள்.,

என் காதலிக்கான கவிதைகள்..

என் சிறகுகளில் சிதறிய இறகுகள்..

என் எண்ணத்தை பிம்பமாக்கும்.,

இன்னோர் எண்ணங்கள்.,

உண்மையில் சொல்லப்போனால்..

என் சாயலில்.,

யாரோ பிரசவித்த

கவிதை குழந்தை..!

இறகு-52

2009-10-24T03:51:00.000-07:00

உன் வெட்கத்துக்கு விளக்கம் கேட்டேன்..

வெட்கப்பட்டாய்.,

உன் வெட்கத்தை விளங்கியவனாய் நானும்....!

அழகென்று சொன்னால் அபத்தம் - உன்னை.,

பேரழகென்று சொல்வதே பொருத்தம்....!

காலர் மடிப்பில் வியர்வைக்கறை.,

மார்போரத்தில் முத்தக்கறை.,

துவைக்கப்படாத அழுக்குச்சட்டை....!

உன்னை வீடுவரை வழியனுப்பிவிட்டு திரும்புகின்றன.,

என் கண்கள் நின்ற இடமிருந்தே....!

களவை கற்று மறந்துவிட்டேன்.,

காதலை கற்று கலந்துவிட்டேன்....!

கைக்குழந்தையோடு புன்னகைத்தாள்.,

பாவாடையில் மிட்டாய் கடித்து.,

சரிபாதி தந்த பள்ளித்தோழி....!

காதலுக்கும், கடவுளுக்கும், கண்படாமல்.,

இன்னும் பறிக்கப்படாத மலர்கள்....!

வெற்றிலை புகையிலை வாசம்.,

பாட்டி தந்த பரிசு முத்தம்....!

அப்பா ரத்தம் இனித்தது.,

தீபாவளி பலகாரத்தில்....!

அம்மா அன்பில் கசக்கவில்லை.,

பாகற்காய் பொரியலுங்ககூட....!

சாலை நெரிசலில் மரண ஓலம்.,

ஆம்புலன்ஸ் சத்தம்....!

இறகு-51

2009-10-11T22:55:00.000-07:00

"அது" வரை பொறு.,

நிழல் தொடும் தூரத்தில் நில்.,

தொட்டு பேசுவதை முற்றும் நிறுத்து.,

வீதிக்கண்கள் விசித்திரம் பார்க்குது..

வீடு வரை பின் தொடர்வதை நிறுத்து.,

கொட்டிகிடக்குது குறுஞ்செய்தி.,

கொஞ்சம் குறை.,

தோழியிடம் புலம்பல்..

புளாங்கிதம் பூட்டு.,

திரையரங்கில் படம் மட்டும் பார்.,

ஆளுக்கொரு ஐஸ்கிரீம் சொல்.,

பேருந்தில் பின்னுரசல்..

பலருக்கு கண் எரிச்சல்.,

கழுத்தூறும் விரல் நிறுத்து.,

உன்-காதல் சேட்டைகள் கட்டுப்படுத்து .,

என்னை கொண்டபின் கொள்(ல்)..!!

அது வரை பொறு...

இறகு-50

2009-10-05T20:47:00.000-07:00

எப்படி மறப்பேன் என்னவளே.?!..

ஊடலின் உச்சத்தில்,

பரிகாச வார்த்தைகள்.!,

கூடலின் மிச்சத்தில்,

கூந்தற் பூ வாசங்கள்.!,

உள்ளங்கை வெட்கத்தில்,

சிவந்து போன மருதாணி.!,

சீலைத்தலைப்பில் என்னை கிடத்தி,

இரண்டாம் தாலாட்டு.!,

கழுத்தூறும் வியர்வைத்துளி

முன்னேறாமல்..,

துடைத்துத்தடுத்த முந்தானை.!,

கதை சொல்லி தூங்கிய பின்னும்

கடைக் கண்ணில் குட்டி விழிப்பு.!,

அக்குளில் அழுக்குப் பதியம்..,

ஆயிரம் பூவாசம்.!,

விரல் பிடித்து நகம் கடிக்கும்

விசித்திரத்தாய்மை.!,

குறுந்தாடி மழித்தெடுக்க.,

நுரை போடும் தோழமை.!,

எழுதிய கவிதையில் பிழைதிருத்தும்

முதல் ரசனை.!,

தேவை தெரிந்து சேவை செயும்

கண் கருணை.!,

நீயழுது நானழுதால் துடைக்கவரும்

பத்துவிரல்.!,

விலகிய நாட்களெல்லாம் விலக்காமல்.,

கட்டியணைத்து தூங்கும் காதல்.!,

தூக்கத்தில் சட்டென விழித்தால்.,

தலைமாட்டில் செருப்புவைக்கும்

பழகிய பாசம்.!,

வாசல் வரைவந்து என்னாடை சரிசெய்து

முத்தமிட்டு வழியனுப்பும்.,

அவசியமான அக்கறை.!,

சனிக்கிழமை எண்ணைக்குளியல்.,

சாப்பாட்டில் கீரைத்துவையல்.,

மதியவுணவு மீதம் வந்தால்

தலையில் குட்டும் இரண்டாம் தாய்மை.!,

ஏகத்துக்கும் என்னைப்புகழும்

என் பக்தை.!,

ஆசைப்பட்டு ஒன்றைக்கேட்டு.,

செலவாகும் வேண்டாமெனும் குடும்பத்தனம்.!,

காயத்திற்கு மருந்து கட்டு.,

நெற்றியில் திருநீற்றுப்பொட்டு.,

இரவெல்லாம் தூங்காமல்..

வைத்தியம் பார்க்கும் பைத்தியக்காரி.!,

என் பசிபோகப்பரிமாறி.,

பட்டினி கிடக்கும் பத்திநித்துவம்.!,

சாக்காலப்படுக்கயிலும் - என்னை

குளிப்பாட்டும் கடைசி செவிலி.!,

எப்படி மறப்பேன் என்னவளே..,

எப்படி மறப்பேன்..?!!

இறகு-49

2009-09-25T20:07:00.000-07:00

விட்டுப்போனால் செத்துப்போவேன்..

விட்டுச்செல்லாதே,

உன் கண்கள் என்னும் கத்திக்கொண்டு..

குத்திச்செல்லாதே,

காதல் கனவு இருவர்காண்பது..

கடந்துசெல்லாதே,

என்னை மட்டும் தனியாய் விட்டு..

நீங்கிச்செல்லாதே,

கத்திகுத்தி நெஞ்சம் கரையுது..

காயமில்லையா.?,

தனிமையிலே கனவுகள் காண்பது..

பாரமில்லையா.?,

தூரம் நின்று இதயம் வாடுது..

பாவமில்லையா.?,

உனக்கென்ன தெரியாதா.?,

என் காதல் புரியாதா.?,

காதல் என்ன பேருந்தா.?,

மாறி மாறி பயணிக்க.,

காதல் கடவுளின் பரிணாமம்..

காதலே கடைசி பரிமானம்..

காதலே என் மதம்..

காதலி நீ குலதெய்வம்..

பிஞ்சு உன் மனசுக்கு.,

பாசாங்கு பரிட்சயமா.?,

காந்தம் என் கண்களுக்கு.,

கண்ணீர் தான் அவசியமா.?,

விட்டுப்போனால் செத்துப்போவேன்..

விட்டுச்செல்லாதே,

உன் கண்கள் என்னும் கத்திக்கொண்டு..

குத்திச்செல்லாதே,

இறகு-48

2009-09-23T21:41:00.000-07:00

எட்டரை மணி பேருந்துக்கு,

எங்கோ வெறித்தபடி காத்திருந்தேன்,

வேகமாய் ஓடி வந்தாள்,

அவசரத்தில் சற்றே கோணலான

முன் தலை வகிடும்,

உச்சி விட்டு உயர்ந்து நின்ற

சில கற்றை மயிரும்,

ஓரத்தில் அழுக்கடைந்து கருத்துப்போன

சிகப்பு ரிப்பனும்,

உட்காரும் இடத்தில் பொத்தலிட்டு தைத்த,

சீருடை சுடிதாரும்,

வாயகன்று பல்லிளித்த

புத்தகப் பையும்,

ஊக்கு குத்தி சரி செய்த

ஒருக்கால் செருப்பும்,

கன்னம் தொடங்கி கழுத்துவரை

படர்ந்திருந்த வியர்வைத்துளியும்,

காதோரத்தில் வெள்ளைத் திட்டாய்

முகப் பவுடரும்,

காசிக்கயிறு வளையலும்,

பாசி மணி மாலையும்,

முன் தெற்றுப்பல்லும்,

ஒட்டிய கன்னமும்,

வற்றிய மார்பும்,

ம்ம்ம்...

அவள் அப்படி ஒன்றும் அழகில்லை...,

என்னைத்தவிர வேறு யாருக்கும்..!

இறகு-47

2009-09-12T02:03:00.003-07:00

சில்லறை விலையில் சிலுவைகள்.!...,

விதைத்தவை,
கருவிழியில் என் காதல்.!.,

ஊற்றியவை,
கண்ணீரல்ல ரத்தம் தான்.!.,

முளைத்தவை,
இதயம் கிழித்து என் காதல்.!.,

புதைக்கப்பட்டவை,
உன் மனதில் என் காதல்.!.,

மறைக்கப்பட்டவை,
என் காதல் கடிதங்கள்.!.,

அழிக்கப்பட்டவை,
என் காதல் காப்பியங்கள்.!.,

எரிக்கப்பட்டவை,
என் அஸ்திக்குப்பதில் ஆசைகள்.!.,

கிடைத்தவை,
சில்லறை விலையில் சிலுவைகள்.!...

இறகு-46

2009-09-12T02:03:00.001-07:00

*பலநாள் ஆசை ;
உன் கால் தடத்தை சேமிக்க!!
தயவு செய்து மணல் மீது நடக்காதே;
என் மார் மீது நட !!

*காதுமடல் அடுக்கு கம்மல்களும்;

கண்ணிமை தீட்டிய கரு மையும்;

காற்றோடு மட்டுமே பேசத் தெரிந்த,

உன் துப்பட்டா தலைப்பும்;

கறுப்புக்கு பயந்து உன் அம்மா கட்டிய,

உன் சுண்டுவிரல் சுற்றிய இரும்பு மோதிரமும்;

உடைக்கொன்றாய் வைத்திருக்கும்,

வண்ண வளையல்களும்;

ஜீன்ஸ் அணிந்தால் விடுப்பெடுக்கும்,

உன் கால் கொலுசும் ;

உன் உள்ளங்கை சூட்டில் எப்போதும்,

உரசிக்கொண்டிருக்கும் கைக்குட்டையும்;

என்னை முழுதாய் வியாபித்திருந்தால்,

ஆச்சர்யப்படுவதற்கில்லை...

உன் காலடிச்சுவட்டிற்க்குள்

என் காலச்சுவடே கரைந்து போனதே

ஆச்சர்யம் தான்..

நான் செய்த பாவங்கள்,

உன் பாதம் பட்டு தீர,

காத்திருக்கிறேன் ஆண் அகலிகையாய்...

இறகு-45

2009-08-27T02:50:00.000-07:00

காலவெள்ளம் என்னை கரைக்காது!,

கனலும் நெருப்பென்னை எரிக்காது!,

சுழலும் புயல் என்னை சூழாது!,

குமுறும் எரிமலையும் தொட்டுப்போகும்,

சுட்டுப்போகாது!..

பசி என்னை அண்டாது!,

நோய் என்னை தீண்டாது!,

புதிதாய் ஒரு மரணம் வந்து

என்னை கொண்டு செல்லாது!..,

நான் என்ன நரனா சாக,

என்னுள்ளே சிவனே..சிவ சிவ..!!

இறகு-44

2009-08-23T23:30:00.000-07:00

ஊர்வலத்தில் சாமிபார்த்து,

கன்னத்தில் போட்டுக்கொள்கிறாய்..,

உன்னைப் பார்த்து,

கன்னத்தில் போட்டுக் கொண்டேன் நான்!!..

_________________________________________________________

பின்னாலிருந்து கண்ணைப் பொத்தி ,

யார் என்று கேட்கிறாள் !..,

"நான்" என்று சொன்னேன் நான்..,

சரிதானே!...
_________________________________________________________

முத்தமிட்டால் சிவந்து போகிறாய்..,

உனக்கு வெட்கமென்ன வலிக்கவா செய்கிறது ??!!..
_________________________________________________________

உன் முத்தங்கள் மிச்சம் வை!!

நம் பிள்ளைக்கு தேவைப்படும் !!..
_________________________________________________________

நிலவின் களங்கங்கள் துடைத்துவிட்டு தருகிறேன் ..,

உன் கைக்குட்டை கொடு !..
_________________________________________________________

இறகு-43

2009-08-21T01:16:00.000-07:00

நீ சீக்கிரம் வந்தாலும்;

தாமதமாய் வந்தாலும்,

காத்துக்கிடக்கிறோம்...!,

நானும் காலமும்....!

விண்மீன்கள் என்பது,

விண்ணோடு வாழ்வது;

விண்மீன்களே கண்ணானதா?

என் வானம் எங்குபோனது??

காய்ந்துதிர்ந்த பூக்களையும்,

கசக்கி எறிந்த பயணசீட்டுகளையும்,

சேமிப்பதால்..

என்னை தவறாக எண்ணிவிடாதே..,

எனக்கு தெரிந்த வகையில் காதலிக்கிறேன்!!

என்னை காத்திருக்கவைக்க

இஷ்டமில்லை போலும்,

சீக்கிரமாய் வந்து விடுகிறாள்..

கல்லூரிக்கு!!..

உனக்காக காத்திருத்தல்,

காத்திருப்பு அல்ல

தவமிருப்பு!!..

நீ வருமுன்னும்,

நீ சென்ற பின்னும்;

வெறுமனே கிடக்குது என் வீதி!!

காதலிக்கவில்லை என்று சொல்லி

தூரத்தில் சென்று திரும்பிப்பார்க்கிறாய்!,

காதல் வந்ததுகூட

தெரியவில்லையா உனக்கு?!!..

உனக்காக

அடித்துக்கொள்கின்றன..

சன்னலோர இருக்கைகள்!!..

நீ இடித்துப்போனாய்,

நான் இடிந்து போனேன்!!

நீ கோவிலுக்கு வராத நாட்கள் எல்லாம்,

மாதங்களிருந்தே விலகிப்போகின்றன...!

இறகு-42

2009-08-17T21:04:00.000-07:00

" மோக முள்"

சாகும் வரை தூக்கிலிடு ! - என்னை
சாகும் வரை தூக்கிலிடு!!

உன் கத்தை கூந்தலின் ஓரிழையில் -கட்டி ,

மாருக்கு மத்தியில் மறிக்கவிடு!!

உன் சிரைத்த (திருத்திய) புருவத்தின் மத்தியிலே,

எனை கருத்த பொட்டாய் புதைத்துவிடு!!

உயிர் உடல் உடை அர்த்தம் களை!,

உன் கோரப்பல்லில் கடித்துச்சுவை!.

ஆண்மை அகற்றி ஆணவமுடை!,

எனை ஊடறுத்து உதிரம் சுவை!!.

திரியென திரித்து எனை தீபமேற்று!,

உன் கத்திக் கண்ணில் கழுமரமேற்று!.

உன் மோகத்தீயில் எரியூட்டு!,

உன் சல்லடைக்கண்ணால் சன்னமாக்கு!.

எனை செருப்பென திருத்து!,

உன் பிஞ்சுக்காலால் நெஞ்சில் மிதி!.

உன் காதல் ஆசை என் காதிற்ச்சொல்.,

எனை கொன்றேனும் உன் ஆசை,

தீர்த்துக்கொள் !!..

இறகு-41

2009-08-17T04:09:00.000-07:00

எட்டா உயரமெட்டும்!!,
வானம் தலையில் முட்டும்!!,
மேகம் மழையை கொட்டும்!!,
அவள் இதழால் என் பேர் சொன்னால்!!.

சின்ன சின்ன சிறகு முளைக்கும்,
சற்றே உயரம் தூக்கிப் போகும்!!,
என்னை பார்த்தே கண்ணாடி தேயும் !!,
அவள் விழியால் என் விழி பார்த்தால்!!.

யாருக்கும் தெரியாமல்,
அவள் முகம் வரைந்து பார்ப்பேன்!!,
யாரேனும் என்னவென்றால் யாதுமில்லை என்றே சொல்வேன்!!.

" கடவுளே இல்லை " என்று,
கண்டிப்பாய் சொல்லிடுவேன்!!,
கோவிலை கண்டபோது அவளுக்காய் வேண்டிக்கொள்வேன்!!.

ரத்தத்தில் அவள் நினைவை ,
ரகசியமாய் வைத்திருப்பேன்!!..

என் ரகசிய சிநேகிதியே!!...

இறகு-40

2009-08-13T03:19:00.000-07:00

செருப்பை கழற்றி விட்டு

கோவிலுக்குள் செல்கிறாய் .,

உன் செருப்பை காத்துக்கிடக்கிறது

கோவில் தெய்வம் !!!

________________________________________

உனக்கு பரிட்சை,

வேண்டிக்கொள்கின்றன..

அத்தனை தெய்வங்களும் !!

________________________________________

கடல் நீரை குடிநீராக்க,

ஏழாயிரம் கோடியில் திட்டம் எதற்கு ?

நீ வந்து குளித்தாலே போதாதா !!...

________________________________________

கடற்கரையில் நீ கட்டிய மணல் வீடு

இன்னும் பத்திரமாய் ....

என் இதயத்தில் !!.

________________________________________

இறகு-39

2009-07-25T02:38:00.000-07:00

"வளையலை"

உடைந்து போன உன்
வளையல் துண்டுகளை
பொறுக்கும் போதெல்லாம் கேட்கிறாய் ,
" எதற்கு என்று ?"

நீ மட்டும் எதற்காக
மயில் இறகை சேமிக்கிறாயாம் ??
________________________________________

சின்னதாய் போன
வளையல்களை கொடு
ஒரு "ஓவியக்கண்காட்சி" வைக்கத்தான்!..
________________________________________

இறகு-38

2009-07-23T22:37:00.000-07:00

"கொலுசு என்னும் கொலை ஆயுதம்!!"

நீ குளித்த நீரில்
நீரை விடுத்து
அழகை மட்டும் குடிக்கிறது
உன் கொலுசு அன்னப்பறவைகள் !!..
________________________________________________

தங்க காலுக்கு எதற்கு
வெள்ளி கொலுசு ?!!..
________________________________________________

நீ வருத்தப்படும் போதெல்லாம்
கருத்துப்போய் விடுகிறது
உன் கால் கொலுசு !!..
_______________________________________________

என் தேவதைக்கு
இறகுகளே
கொலுசாக மாறி இருக்கிறது !!..
_______________________________________________

என் மௌன விரதத்தை
கலைத்து விடுகிறது
உன் கால் கொலுசு சத்தம் !!..
_______________________________________________

நீ அடிப் பிரதிட்சை செய்கிறாய் ,
நான் உன்னை அடிக்கொரு பிரதிட்சை செய்கிறேன்!!..
______________________________________________

ஆயிரம் ஆஸ்கர் கிடைக்கக்கூடும்
உன் குளியலறை பாட்டுக்கும் ,
உன் கொலுசு இசைக்கும் !!..
______________________________________________

நீ மழையில் நனைகிறாய்
ஜலதோசம் பிடித்து விடப்போகிறது
உன் கொலுசுக்கு !!..
_______________________________________________

உன் கொலுசை மறைக்கும் பாவடையை
என்ன செய்வது ?
தண்டிப்பதா ?,
இல்லை, மன்னிப்பதா ?!..
_______________________________________________

நீ சிரிப்பை அடக்கும் போதெல்லாம்
சத்தம் போட்டு சிரித்து விடுகிறது
உன் கொலுசு
_______________________________________________

திருகாணி தேவையா
உன் கொலுசுக்கு ?,
கழன்றிடத்தான் மனம் வருமா ?
உன் காலை விட்டு !!..
_______________________________________________

உன் கத்தி கண்களும்
கூர் முனை மார்பும் போதாத ,
கொலுசு என்னும் கொலை ஆயுதம் தேவையா ?,
எனை கொல்வதற்கு !!..
_______________________________________________

இறகு-37

2009-07-23T22:15:00.000-07:00

வீணாய் ஒரு வீணை

இதோ
என் இதய நரம்புகளை வைத்துக்கொள் !
உன் வீணைக்கு
ஸ்வரக்கம்பிகள்
தேவைப்படக்கூடும் !!..
_________________________________________________

நீ ஸ்வரக் கம்பிகளுக்கு
நாணேற்றுகிறாய்
வலிக்கிறது
என் இதயத்திற்கு !!..
_________________________________________________

நீ வீணை
நான் விரல்
வழிகிறது காதல்
ஸ்வரங்களாய் !!..
_________________________________________________

வாசிக்கத்தான் தெரியுமா ?
நேசிக்க தெரியாதா ?
வீணையை ஏன் முறைக்கிறாய்,
கேட்டது நான் !!..
_________________________________________________

ஏழு ஸ்வரங்கள் என்று
யார் சொன்னது
சரியாக எண்ணிப்பார் ,
பத்திருக்கும்
உன் விரல்கள் !!..
_________________________________________________

ஓர் நாள் உன்னை
அதிரடியாய் சோதனை இட வேண்டும்
இசை கசிவது
வீணையிலா ?,
உன் விரலிலா ?, என்று !!..
_________________________________________________

நீ வாசித்த இடங்களில்
சிதறிக் கிடக்கின்றன
ஸ்வரங்கள் !!..
_________________________________________________

விறகையே மீட்ட தெரிந்த உனக்கு
வீணை எதற்கு ?..
_________________________________________________

ஆயுத பூஜைக்கு
சரஸ்வதி சிலை வாங்க
அம்மா சொன்னாள்.,
உனக்கு நேரமிருந்தால்
கொஞ்ச நேரம் வந்துவிட்டு போ
என் வீட்டுக்கு !!..
_________________________________________________

விறகனாலும்
வீணை செய்யும்
விறகாவேன்!!..
_________________________________________________

நீ வாசிப்பதை நிறுத்தி விட்டால் ,
சுவாசிப்பதை நிறுத்தி விடும்
என் உலகம் !!..
_________________________________________________

என்னோடே துயில்கிறாய்
என்னோடே எழுகிறாய் ,
எப்போது வீணை வாசிக்க கற்றுக்கொண்டாய் ?
என் மனதுக்கு தெரிந்தது ,
என் மூளைக்கு தெரியவில்லை போலும் !!..
_________________________________________________

என்ன ஆச்சர்யம்
நான் தரிசித்த கோவிலில்
முருகன் கையில்
"வீணை "
_________________________________________________

நீ
வீணை மட்டும் தான் வாசிக்கிறாய் என்று ,
அழுகின்றன
மற்ற வாத்தியங்கள் !!..
_________________________________________________

நீ வாசிக்காத வீணை
வீணாய் !!..
_________________________________________________

இறகு-36

2009-07-19T23:32:00.000-07:00

உன் பாஸ்பரப்பார்வையில்
பற்றி எரிந்தும்,
உன் க்ளஸ்ட்டர் கண்களில்
காயம் பட்டும்

இன்னும் உயிரோடு
உலவுவது

"ஆச்சர்யம் தான் "

இறகு-35

2009-07-18T03:27:00.000-07:00

நான் எத்தனை பெரிய முட்டாள் !
நீ எனக்கில்லை என்று தெரிந்தும்
உன்னையே காதலிக்கிேன்!!

(நீ எதை கொண்டுவந்தாய் அதை இழப்பதர்ற்க்கு - கீதை )

இறகு-34

2009-07-16T02:39:00.000-07:00

யதேர்ச்சியாய் நடப்பவற்றிற்கு
கடவுளை காரணம் கற்பிக்கும்
அம்மாவிடம்
என்ன சொல்லி புரியவைப்பது
நடப்பதெல்லாம்
தெய்வாதீனமல்ல
தேவதைதீனமென்று!!

இறகு-33

2009-07-14T23:13:00.000-07:00

" VIBRATION "

என் செல்போன் கூட
தெரிந்து வைத்திருக்கிறது
உன்னை ,
உன் அழைப்பு வந்தால் மட்டும்
ஒலிக்காமல் துடிக்கிறது !!

இறகு-32

2009-07-14T23:11:00.000-07:00

"நாட்குறிப்பு"

எத்தனை பக்கங்கள்
வீணாகி இருக்கிறது
என் நாட்குறிப்பில்.,
இப்போது தான்
எண்ணிப்பார்கிறேன்,
"என் காதலைப்பற்றி !!"

இறகு-31

2009-07-13T21:02:00.000-07:00

கவிதை

நான் ஜீரணிக்கமுடியாத
சில விஷயங்களை ,
என் பேனா வாந்தி எடுத்து விடுகிறது !..

எழுத்துப்பிழை மட்டுமல்ல ,
கருத்துப்பிழையும் அழகுதான்
என் கவிதைக்கு !!

இறகு-30

2009-07-13T21:00:00.000-07:00

நீ பயணிப்பது
பேருந்தல்ல.,
என் தேவதையை
சுமந்தது செல்லும்
இயநதிரப்பல்லக்கு!!

இறகு-29

2009-07-05T23:57:00.000-07:00

"புனிதம் பழித்தல் "

கோபுர புறாக்களும் ;
குளத்து கொக்குகளும் - புணர்ந்து
கோவில் புனிதம் பழிக்குமா ?
தெரியாது !

உன் சிரம் நோக்கி
என் விழி நோக்கும் போது
உன் மார் மறைக்கும்
கரம் புனிதம் பழிக்கிறது
என் காதலை !!

இறகு-28

2009-06-30T05:12:00.000-07:00

எனக்குப் பிடிக்காத ஒன்றும் எனக்கு பிடிக்கும் ;

உனக்குப் பிடிக்குமென்றால் !!

உனக்குப் பிடிக்காத ஒன்றை சொன்னால்
காதைப் பொத்திக் கொள்கிறாய் ;

எனக்குத் தெரியும்
உன் விரல்களுக்குக் கூட

கேட்கத்தெரியும் என்று !!

ஐஸ் கிரீம் பிடிக்குமா ? என்றால் ;

பிடிக்காது என்கிறாய் !

சாக்லேட் பிடிக்குமா ? என்றால் ;
பிடிக்காது என்கிறாய் !

உனக்கு என்ன தான் பிடிக்கும்

என்னை தவிர ??!!

உனக்குப் பிடித்தவற்றை

கேட்க போதாத நேரத்தை ,

பிடிக்கவில்லை எனக்கு !!

உன்னிடம் பிடித்ததே

உன் "பிடிவாதம்" தான்!!

இறகு-27

2009-06-24T08:10:00.000-07:00

நகம் விரல் விட்டு நகர்ந்து சென்றது !

பறக்க ரெக்கைகள் பற்றிக்கொண்டது!

பறக்கிறேன் , நான் பறக்கிறேன் !,

உன்னாலம்மா ..

பறக்கிரேன் , நான் பறக்கிறேன் !,

உன்னாலம்மா ..

தேககூட்டில் காற்றடைத்து

நெஞ்சுக்கூட்டில் பஞ்சுநிரப்பிi

பறக்கிறேன் , நான் பறக்கிறேன் ! ,

உன்னாலம்மா ..

பறக்கிறேன் , நான் பறக்கிறேன் ! ,

உன்னாலம்மா ..

கால் எனை விட்டு கடந்து சென்றது

வேர் எனனோடு ஒட்டிக்கொண்டது !

பூக்கிறேன்,நான் பூக்கிறேன் !

உன்னாலம்மா ..!

பூக்கிறேன்,நான் பூக்கிறேன் !

உன்னாலம்மா ..!

இதயக்கூட்டில் மண் நிறைத்து

கண்ணீரில் வேர் நனைத்து ,

பூக்கிறேன்,நான் பூக்கிறேன் !

உன்னாலம்மா ..!

பூக்கிறேன்,நான் பூக்கிறேன் !

உன்னாலம்மா ..!

இறகு-26

2009-06-13T02:17:00.000-07:00

உன் கண்கள் பசுமை புரட்சியையும்,
உன் பற்கள் வெண்மை புரட்சியையும்,
எப்போதோ ஏற்படுத்தி விட்டது;
என் இதய தேசத்தில் !!

இறகு-25

2009-06-10T21:32:00.000-07:00

கல் மனசு

உன் கல் மனசை,
என் கண்ணீர் கரைக்குமா ?
என் கண்ணீரிலே ,
நம் காதல் கரையுமா ?

முகத்தை திருப்பிக்கொண்டாய் ,
நிழலோ என்னோடு !
காதலை பறித்துக்கொண்டாய்,
கனவுகள் என்னோடு !

உன் கல் மனசை,
என் கண்ணீர் கரைக்குமா ?
என் கண்ணீரிலே ,
நம் காதல் கரையுமா ?

சில நேர சிணுங்கல் போலவே,
சில நேரச் சிந்தனை போலவே,
காலை நேர காப்பிக்கு கூடவே,
நான் - வந்து போக மாட்டேனா?

உன் கல் மனசை,
என் கண்ணீர் கரைக்குமா?
என் கண்ணீரிலே ,
நம் காதல் கரையுமா ?

பொன் உரைக்கும் கல்லில் பூவுரைக்கிறாய்
நீ - பூவுரைக்கிறாய்,
பொன்னல்ல பெண்ணே - நான்
பூ என்று தெரியாதா ??

உன் கல் மனசை,
என் கண்ணீர் கரைக்குமா?
என் கண்ணீரிலே ,
நம் காதல் கரையுமா ?

இதழோரப்புன்னகை போலவே
இமையோர கண்ணீர் போலவே
இரவுநேர இளமைக் கூடவே
நான் வந்து சிந்த மாட்டேனா ?

உன் கல் மனசை,
என் கண்ணீர் கரைக்குமா?
என் கண்ணீரிலே ,
நம் காதல் கரையுமா ?

இறகு-24

2009-06-10T20:57:00.000-07:00

தனிமை எனக்கு ஆகாது !
தனிமை எனக்கு ஆகாது !
என் நரம்பை நானே அறுத்து ,
தற்கொலை செய்து கொள்ளக்கூடும் ;
ஆதலால் .,
எப்போதும் இருக்கிறேன்.,,
உன் நினைவாய்...,

இறகு-23

2009-06-10T20:41:00.000-07:00

நீ செய்யும் குழந்தைத்தனமெல்லாம் ,

எனக்கு என்னமோ

தேவதை தனமாகத்தான் தெரிகிறது !

_ _ _ _ _ _ _ _ _ _ _ _ _ _ _ _ _ _ _ _ _ _ _ _

உன்னை வெறித்து பார்பவர்களை எல்லாம் ;

நீமுறைத்துப் பார்கிறாய் !

தேவதைகள் கோபப்படும் என்பது ,

நீ கோபப்படும் போது தான் தெரிகிறது !!

_ _ _ _ _ _ _ _ _ _ _ _ _ _ _ _ _ _ _ _ _ _

இறகு-22

2009-06-07T20:30:00.000-07:00

என் காதலைப் பற்றி எழுத ,

என் பேனா சிந்திய ஒவ்வொரு துளிமையும்

எனது ரத்தங்கள் .

வேண்டுமென்றால் சோதித்துப் பாருங்கள்

"A+" என்று இருக்கக்கூடும் !!!!

இறகு-21

2009-06-06T02:36:00.001-07:00

"POWER CUT"

என்னவளை விழிக்கச் சொல் !

அவள் பார்வை "மின்சாரம்" !

இறகு-20

2009-06-06T01:28:00.000-07:00

புதிரா ? புனிதமா ?

காதல் மிருகம் உயிரைக் கொன்றால் ,
கொலையா, தற்கொலையா ?

இமைகள் திறக்க மின்னல் வெட்டும் ,
அது விழியா, தீப் பொறியா?

ஆசை விடவே புத்தன் சொன்னான் ,
உன்னைப் பார்க்க ஆசை தோன்றுது ,
நீ அழகா, ஆபத்தா ?

பர்வைகளாலே பயமுருத்தினாய் !
மீண்டும் பார்க்க ஆவலுட்டினாய் !
நீ சாரலா , அடைமழையா ?

கனவில் நீ என் பக்கமாகிறாய்,
நினைவில் நீ என் தூரமாகிறாய்,
நீ என் உயிரா, உணர்வுகளா ?

இறகு-19

2009-06-04T20:30:00.000-07:00

உன் orkut போட்டோக்களும்,
sms புன்சிரிப்பும்,
Email முத்தங்களும்,
போதும் எனக்கு ;
காலமெல்லாம் காத்திருப்பேன்
கன்னித்தன்மையோடு !!

இறகு-18

2009-05-28T01:19:00.000-07:00

இன்னும் என்னை என்ன செய்யப்போகிறாய் ?

கொஞ்ச நாட்களாய் என் உயிர் இல்லை ;
கெஞ்சி கேட்கிறேன் தந்து விடு !
இதயத்தின் சுவரைக் கிழித்து ;
ரத்தத்தை சுவைத்து வந்தாய் !
புருவத்தை உதட்டின் மேலே ;
வாஸ்துப் படி மாற்றி வைத்தாய் !

காற்றானாய் ;
கவிதைப் புழுதியை என் மேல் தூற்றினாய்!

கண் மேலே கர்வம் தந்தாய் !
கண் கீழே கருணை தந்தாய் !
கண்ணுக்குள் காமம் தந்தாய் !

சுவாசத்தை பறித்துச் சென்றாய்!
உன் வாசம் நிறைத்துச் சென்றாய் !

உலகை கண்டு சிரிக்க வைத்தாய் !
உள்ளத்தில் அழ அழ வைத்தாய்!

இரவுகள் விட்டுச் சென்றாய் !
கனவுகள் திருடிக்கொண்டாய் !

கடவுள் கோவில் தவிர்க்கக் செய்தாய் !
கல்லறைக் கோவில் வணங்கச் செய்தாய் !

சுய இன்பம் கற்றுத்தந்தாய் !
பேரின்பம் நான் பெற செய்தாய் !

எனக்கென ஒரு உலகம் தந்தாய் !
அதில்நீயே ஆட்சி செய்தாய் !

தவறுகள் நீ செய்யச் சொன்னாய் !
தண்டனையும் நீயே கொடுத்தாய் !

நீராய் என்னை மாறச் செய்தாய் !
உன் நினைவுகளை அதில் மிதக்க விட்டாய் !

வண்டாய் எனை உரு பெறச் செய்தாய் !
வாசம் கொண்ட மலரானாய் !

உறக்கத்தை குறைக்கச் செய்தாய் !
உணர்வுகள் மேலும் பெருகச் செய்தாய் !

கண்களை நீ பறித்துச் சென்றாய் !
பார்வை மட்டும் கடனாய் தந்தாய் !

பக்தனாய் மாறச் செய்தாய் !
நித்தம் நித்தம் தரிசனம் தந்தாய் !

நித்தம் சாகும் வரம் தந்தாய் !
நீயே என்னைச் சாகடித்தாய் !

கண்ணிரண்டும் வில்லாய்க்கொண்டாய் !
என் இதயத்தை கிழித்துச் சென்றாய் !

பாதி மிருகம் ஆக்கிச் சென்றாய் !
மீதியில் நீ குடியிருந்தாய் !

என்னை நான் செதுக்கச் செய்தாய் !
உன்னைப் போல் ஆக்கிக்கொண்டாய் !

மண்ணாய் எனை மாறச் செய்தாய் !
மழையாய் என் மேல் விழுந்தாய் !

நெருப்பாய் நீ மாறிச் சென்றாய் !
என்னை அதில் திரி என செய்தாய் !

என் பேனா தலை குனியச் செய்தாய் !
கவிதைகளை கக்க வைத்தாய் !

ஆத்திரங்கள் அதிகம் தந்தாய் !
அடக்கவும் பழகித் தந்தாய் !

விளக்கானாய் !
என் பாதை விளங்கச் செய்தாய் !

நிலவானாய் !
நித்தம் எனை தேயச் செய்தாய் !

ஒரு நிமிடம் உயிரை தந்தாய் !
உடனே அதை பறித்துச் சென்றாய் !

மானுடத்தின் விளக்கம் தந்தாய் !

என் பேரின் பின்னாலே ,
உன் பேரை சேர்க்கச் செய்தாய் !

சொல் பெண்ணே !..,

இன்னும் என்னை என்ன செய்ய போகிறாய்

இறகு-17

2009-05-26T20:10:00.000-07:00

நல்ல வேலை நான் காதலிக்கவில்லை...!
என் காதல எனை கொன்றிருக்கும்..;
என் மூளை முழுதும் தின்றிருக்கும்..;
என் கணுக்கால் வரையில்
கட்டெறும்பு.,
எனை கடித்துக் கடித்து
செரித்திருக்கும்...!
நல்ல வேலை நான் காதலிக்கவில்லை..!

செத்தே போயிருப்பேன்..!
செவ்விதழ் புன்னகைக்கும்
உதட்டு வரிப்பள்ளம் வீழந்து..!

செத்தே போயிருப்பேன்...!
கயல் விழியால்
இடை மடிப்பிற்கிடை மாட்டி...!

செத்தே போயிருப்பேன்...!
காரணமே சொல்லாமல்
எனை கொல்லும் கண்ணசைவால்...!

பூக்கள் என் செலவுக்கு மிச்சம்..,
கனாக்கள் என் இரவுக்கு மிச்சம்..,
காதல் எனை கொல்லும் சொர்க்கம்..,
நல்ல வேலை நான் காதலிக்கவில்லை....!

இறகு-16

2009-05-25T06:24:00.000-07:00

ஏனடி என்னை அழவைக்கிறாய் ?
இத்தனை அழகாய் இருக்கின்றாய் ;
இத்தனை அழகாய் சிரிக்கின்றாய் ;
இத்தனை இத்தனை அழகாய் இருந்தும் ;
ஏனடி என்னை அழவைக்கிறாய் ?

என் உயிரின் ஊடே நீ கலந்தும் ;
ஏனடி என்னை அழவைக்கிறாய் ?
உனக்கென உயிர் தர நான் இருந்தும் ;
ஏனடி என்னை அழவைக்கிறாய் ?
என் உள்ளும் புறமும் நீ இருந்தும்
ஏனடி என்னை அழவைக்கிறாய் ?

உறவுகள் தவிர்த்தும் ;
உணர்வுகள் தொலைத்தும் ;
நீ “உம் ” என்றால் உயிர் துறக்க நான் இருந்தும் ;
ஏனடி என்னை அழவைக்கிறாய் ?

தென்றல் தீண்ட வலிக்கு மென்றும் ;
பூவை சூட தலை கணக்கு மென்றும் ;
நடந்தால் பாதம் நோகுமென்றும் ;
இதயத்தில் ரத்தத்தை வெளி ஏற்றி ;
இரு கண்களையும் காவல் வைத்து ;
இரவில் உன்னை தூங்க வைத்தும் ;
ஏனடி என்னை அழவைக்கிறாய் ?

என் இதழை தலையணை ஆக்கி வைத்தும் ;
என் இரவுகளால் உன்னை போர்த்தி விட்டும் ;
என் மூச்சு காற்றால் மிதப்படுத்தியும் ;
என் கண்ணீரால் உன் தாகம் தீர்த்தும் ;
ஏனடி என்னை அழவைக்கிறாய் ?

எனக்காய் அழுவதற்கு என் சொந்தம் பலவிருந்தும் ;
உனக்காய்.….
உனக்கு மட்டுமாய்.,,,
ஏனடி என்னை அழவைக்கிறாய் ?

இறகு-15

2009-05-09T01:22:00.000-07:00

உயர்நிலை காமம்

காதல் என் கண்ணோடு போக ,
காமம் என் தலைக்கேருது

காதல் என் கை கட்டிபோட ,
காமம் ஏன் கை தூக்குது !

உடையில் காமம் உடையை களைந்தேன் ,
உயிரில் காமம் என் செய்யுவேன் !

நீரும் காமம் ,
நெருப்பும் காமம் ,
நினைவும் காமம் என் செய்யுவேன் !

காதல் என் கண்ணோடு போக ,
காமம் என் தலைக்கேருது

காதல் என் கை கட்டிபோட ,
காமம் ஏன் கை தூக்குது !

எச்சில் தேகம் ரசிக்கின்றேன் !
பச்சை ரத்தம் புசிக்கின்றேன் !

மிருகம் போல சிந்தனையா ?
காமம் எனக்கு தண்டனையா ?

காதல் என் கண்ணோடு போக ,
காமம் என் தலைக்கேருது

காதல் என் கை கட்டிபோட ,
காமம் ஏன் கை தூக்குது !

சிறகில்லாமல் பறந்து சென்று ,
ஜீவன் எங்கோ தொலைத்துவிட்டேன் !

காதல் தேடும் வழியினிலே ,
காமன் வழியில் புகுந்துவிட்டேன் !

காதல் என் கண்ணோடு போக ,
காமம் என் தலைக்கேருது

காதல் என் கை கட்டிபோட ,
காமம் ஏன் கை தூக்குது !

இறகு-14

2009-04-24T03:00:00.000-07:00

இளமையில் வறுமை

பசி ,
எனக்கு பன்சாப்பிட கற்றுத்தந்தது !!
****************************************

சென்னையில் பல நாள் ,
நிலாக்களைத் தொட்டு ,
நட்சத்திரங்களை திண்றுஇருக்கிறேன்!

சில நாள் பட்டினியாவும்
இருந்த்திருக்கிறேன் !
அன்று
அமாவாசையாம்!!!
****************************************

சென்னையில்
சுற்றாத
வீதிகள் இல்லை ;
விதி
சுற்ற மட்டுமே வைத்தது!!
****************************************

இறகு-13

2009-04-24T02:58:00.000-07:00

ஆயிரம் முறை எண்ணி பார்த்திருப்பேன் ;
என் முதல் மாத சம்பளத்தை !!

இறகு-12

2009-04-24T02:53:00.000-07:00

தாயும், தனிமையும்,
கற்றுத்தராத ஒன்றை..;
தமிழ் கற்றுத்தந்தது.!!..,

"கவிதை"..

எமக்கு தொழில் கவிதை..
இன்னபிற பொழுது போக்கு..
கற்றதும் தமிழ்.,
உற்றதும் தமிழ்.,
நான் கண்டதும் தமிழ்.,
கொண்டதும் தமிழ்.,
எனை பெற்றதும் தமிழ்.,
நான் பெற்றதும் தமிழ்.,
தமிழின்றி யாமொன்றறியோம் பராபரமே..,

இறகு-11

2009-04-06T04:14:00.000-07:00

கடவுளை பழித்தல்..!!

கடவுள் என்னை ஊனமுற்றோர் சீட்டில்
உட்கார வைத்து அழகு பார்த்தவன்!
****************************************************
கடவுள் தலை எழுத்து கிறுக்கல்களையும் .,
தன்மான சறுக்கல்களையும் தந்தவன்..!
கருணை பர்ர்வை விழும் போதெல்லாம்
கற்பிழக்கிறேன் நான்.!!
****************************************************
கடவுள் விழைத்த கழனியிலே ;
நெல்லுக்குப் பதிலாக புல்லாய் முளைத்தவன்,
நெல்லுக்கு பாய்ந்த நீர் தானே ,
புல்லுக்கும் பாய்ந்திருக்க கூடும் !
கடவுளே திருத்திக்கொள்ளும் !
புல் அல்ல நான்,
புல் அல்ல நான்,

புயல் !
என் கோரப்புயலில் சிக்கி
உம் கோபுரங்கள் சரியக்கூடும் ஜாக்கிரதை !!
சோதித்த உன்னை ,
சேவிப்பதில்லை போ!
*****************************************************

இறகு-10

2009-04-04T01:40:00.000-07:00

உயர்நிலை காமம் -1

பார்க்க கூடாததை பார்த்து போல்
கண்கள் மூடுகிறீர்கள் !

கேட்க கூடாததை கேட்டது போல்
காதை பொத்துதுகிறீர்கள் !

"காமம்"
எத்தனை புனிதமானது தெரியுமா ,
வேண்டுமென்றால் உன் தாய் தந்தையை கேட்டுப்பார் !

இறகு-9

2009-03-30T05:03:00.000-07:00

உன் துப்பட்டா தொட்ட போதே
செத்துவிட்டேன் !..,
இப்போது உலவிக்கொண்டிருப்பது
என் "பூத உடல்l"
மட்டுமே!!

இறகு-8

2009-03-26T08:24:00.000-07:00

பொதுஉடைமை கற்றுதந்த காதலே ,
கம்யூநிசகாதலுக்கு கண் போதாதா ;
கண்ணிருக்கு பெண்ணே என்னை காதலிப்பாயா..?..

இறகு-7

2009-03-26T00:27:00.000-07:00

கண்ணே ,
ஒரே நிற துப்பட்டாவை போடு ,
நானும் எத்தனை முறை தான் மாற்றிக்கொண்டிருப்பது ,
என் தேசியக்கொடியை!!

இறகு-6

2009-03-26T00:20:00.000-07:00

வன்மையாக கண்டிக்கிறேன் ,
என் பசி தீர்காத உணவையும் ,
எனக்கு போதை ஏற்றாத மதுவையும் ,
கண்டுபிடிக்காததற்கு !!

இறகு-5

2009-03-26T00:17:00.000-07:00

சூழ்நிலை உன்னை காதலிக்க ,
சுயநிலை என்னை சாகடிக்க ,
ஆயிரம் கர்த்தருக்குச் சமம் நான் !..,
என் உயிர் பிரிவதும்
நான் உயிர்த்தெழுவதும்
உன் கண்களால் தான் !

இறகு-4

2009-03-23T02:17:00.000-07:00

என்னை வாழ வைக்கும் சூட்சுமமும் ,
என்னை சாகடிக்கும் சூனியமும் ,
உன் இரு கண்களிலும் சம விகிதத்தில் இருக்கிறது !..
_________________________________________________

நீ எதைவேண்டுமானாலும் பேசு !
நீ சொல்வதை கேட்பது தவிர
என் செவிக்கென்ன வேலை ?!
_________________________________________________

என் இயல் ஞானமும் ,
ஆத்ம ஞானமும் ,
மெய் ஞானமும் ,
உன் காலடிக்கு கீழ் தான் .!
_________________________________________________

அடியே,
நீ எத்தனை கொடுத்து வைத்தவள் தெரியுமா ?
என் இல்ல தரசி ஆகுமுன்பே,
என் இதயதரசி ஆகிவிட்டாய்.!
_________________________________________________

இறகு-3

2009-03-22T23:39:00.000-07:00

என் பார்வைக்கு எதிரே உட்காரு...,
உன்னை பார்த்து பார்த்தே என் பாவங்கள் தொலையட்டும் !..

இறகு-2

2009-03-22T22:24:00.000-07:00

உன்னை பிரசவிப்பதற்காகவே
படைக்கப் பட்டிருக்கிறாள்
உன் தாய் !!

உனை பார்த்திருக்கவே
என் கண்களும் ;

உனக்கு காத்திருக்கவே
என் கால்களும்
படைக்கப்பட்டிருப்பதைப்போல!!

இறகு-1

2009-03-22T21:45:00.000-07:00

உன் கண்கள் ஆயரம் லிட்டர் ஆல்ககாலுக்கு சமம்,
அதனால் தான் இன்னும் போதையுடன் சுற்றிக்கொண்டு இருக்கிறேன் !..

போதை கற்று தந்த உன் விழிகள் தான்
கீதையும் கற்று தருகிறது !!..